పాపలు చిన్నారి బాబులు

నెల వెన్నెల ఎల కోయిలలు సిరి మువ్వల విరి జాజులు మురిపింపుల మైమరపింపుల పాపలు చిన్నారి బాబులు
అల్లరి సింహాలు తుంటరి గువ్వలు ఒంటరి కుందేళ్ళు పాపలు చిన్నారి బాబులు
చిరునవ్వుల పువ్వులు కవ్వింపుల కోపాలు ప్రశ్నల కెరటాలు పాపలు చిన్నారి బాబులు
అమ్మ నాన్నల యువరాజులు అమ్మమ్మ తాతయ్యల అధిరాజులు
ప్రేమ సామ్రాజ్యాల రాజాధిరాజులు పాపలు చిన్నారి బాబులు
ఉరుముల మేఘాల జడిపింపులు చినుకుల మెరుపుల గిలిగింతలు
వానల జడివానల పులకరింతలు పాపలు చిన్నారి బాబులు