చిట్టి గులాబీలు

చిరునవ్వుల వెన్నెలలు

ఎల కోయిల గిలిగింతలు

విరిబాలల పులకింతలు చిన్నారులు
వన్నె చిన్నెల సీతాకోక చిలుకలు

మిల మిల కన్నుల చేప పిల్లలు బుజ్జాయిలు
ముద్దు మాటల రామ చిలుకలు

యక్ష ప్రశ్నల బుల్లి రాక్షసులు పొన్నారులు
తులసికోట దగ్గర వెలిగే చిరునవ్వుల దీపాలు

పొద్దుటే కురిసే అల్లరి మంచు బిందువులు
వెన్నెల దొంగలు

ముత్యాల స్వరాలూ

పగడాల పెంకితనాలు

నులి వెచ్చని కోపాలు
తీపి బాణాలు వెచ్చని వాన జల్లులు

కారాల మిఠాయిలు

అమ్మానాన్నల గారాల మహారాణులు

తాతయ్య అమ్మమ్మల యువరాజులు

బోసినవ్వుల పాపాయిలు.