గయ్యాళి నీ చూపులకు దడిసి గుండె గుబ గుబామని కొట్టుకున్నది
పిసినారి నీ నడుము చూసి కనుపాప రెప్పల్లో చూపు దాచుకున్నది
గడుసు నవ్వుల వయ్యారి,
చందమామ నీ పెదవుల వంపుల్లో పొద్దుకి పోనాది
చీకటి నీ జడల కొరడా ఝళిపించావు నా ఉనికి నన్నొదిలి నీ వైపు మరలిపోనాది
ఘల్లు మని మోగేది నీ కాలి అందె కాదె లచ్చి నా గుండె గొల్లుమని మొత్తుకున్నాది
గల గలాడే నీ చేతి గాజుల సవ్వడి నీ కాసే నా చూపు తిప్పితున్నాది
వింటి నారి కి మల్లె ఉన్న జంట కనుబొమల మధ్య ఎర్రటి సూరీడు
ఒంటి గవ్వకి మల్లే ఉన్న సంపెంగ ముక్కు , ముక్కెర లా తళుక్కుమన్నది
ఎర్ర రాయి కాదే లచ్చి ఇంకెవ్వరో నిన్ను చూసి ఆశ పడతారేమో నని
నా కంట కారి ఎర్రబడిన నా కన్నీటి సుక్క
నిదర రానీకుండా మత్తులో ముంచి తేలానీవు
ఏమీ సేస్తే నాకు శాంతమవుతాది !!??!!
ఏమి ఇస్తే నీకు ఇసిదమవుతాది !!??!!
ఈ బాద ఈ దివులు తరిగిపోతాది !!??!!
లచ్చి నా లచ్చి గయ్యాళి లచ్చి ..
