చినుకు - చిరుగాలి - నీ జ్ఞాపకం

చినుకు చిటికెల సవరింతలకు మట్టి పూల చెమరింతలు

చిరుగాలి చక్కిలింతలకు చిగురాకుల సిగ్గుల మొగ్గలు

ఎగిరి దూకేటి వేగాలకు సెలయేటి గల గలలు

నీ తలపుల తెమ్మెరల తాకిడికి ఊపిరి వెచ్చదనాల నీరాజనాలు

నీ అడుగుల సవ్వడులకు గుండె గుబ గుబల తియ్యందనాలు

నీ చూపుల బాణాలకు గాయపడి ఎర్ర బడ్డ చెక్కిళ్ళు

ఏ ఒక్క నిమిషమూ నన్నొదలని

జాలే లేని నీ జ్ఞాపకాల మంటలకు విరహాల వీవెనలు

ఆవిరయిపోని నా ఆశల చందనాలు