సిరిమువ్వల నా నువ్వు

సుమధుర భావాలను కనురెప్పల కుంచెలతో గుండెపై చిత్రిస్తావు
గుండె చప్పుడు లో ని గుబులును గుస గుసలుగా మర్చి నా చెవులకు వినిపిస్తావు  

చిరు నవ్వు ల చురకత్తి తో అనుక్షణం దాడి సాగిస్తావు 

వాడి నిట్టూర్పుల వేడి తో మంచులో సైతం సెగలు రగిలిస్తావు 

నీ కనుల  సెలయేటిలో పడిన ప్రతి సారి వేయి సార్లు జన్మిస్తాను 

నను దాటి నీ చూపు మరిలిన అనుక్షణం నేను లక్షసార్లు మరణిస్తాను 

పదహారేళ్ళ ప్రాయం

లేత అరచేతిలో పెట్టిన గోరింటాకు 

బుగ్గల్లో పండే వైనం 

చిలిపి కళ్ళతో మనసులను 

గిల్లే పరువాల ప్రాయం 

తుళ్ళింతల కెరటాలు పైకెగసి పడే సందేహాల సంద్రం 

గోదారొడ్డున ఇసుక తిన్నెల్లో దొరికే 

గువ్వరాళ్ళ గందరగోళం 

అన్నీ తమకే తెలుసనే నడమంత్రపు సిరుల సైన్యం

వెన్నెల లో మెరిసి 

పాలల్లో తడసి 

మిణుగురులై ఎగసి 

చినుకులలో వెలిసి 

తేనెల్లో విరిసి 

తొలిపొద్దున కురిసే

మంచుబిందువులై నునులేత సూర్య కిరణాలకే

కరిగి నీరయిపోయి 

పదహారేళ్ళ ప్రాయం

నాకు బాపు గారు ఆటో గ్రాఫ్ ఇచ్చారోచ్

నేనంటే నీకెందుకు ?

అందమయిన ప్రకృతి నీలో కలిసి ముందుకు సాగి పోతుంటుంది 

వసంతాల చివురులు తొడిగి మరి మరి మారాకులు వేస్తుంటుంది 

సువాసనల రాదారిలో ప్రతి పువ్వు పులకింతల నవ్వు రువ్వుతుంది 

చినుకుల కిత కితలకి మట్టి వయ్యారాల మొలకలు పొడుస్తుంటుంది

నీ చూపు తగిలినంత మేరా ఆకాశం వేవేల చుక్కల తివాచీ విప్పుకుంటుంది 

నీ స్పందన కి పులకించిన సెలయేరు గల గలా జల జలా నవ్వుతూ కింది కి జారిపోతుంది 

ఓ కను సైగ కి  నీ వెచ్చటి స్పర్శకి సైతం నోచుకోని 

నా కన్ను ఉప్పునీటి ఏరై ఆగకుండా ఉప్పొంగుతుంది 

భగ భగ మని గుండె లావాలా గుబులవుతుంది 

నా ఒక్కదాని కోసం చిమ్మ చీకటి పరదాలు పరుస్తుంది 

నేను మాత్రం మంచులా బిగిసి ,

 కరిగి నీరై , ఆవిరై సమసిపోతాను 

ప్రేమ నువ్వెక్కడ

నువ్వు రాలేని దూరమని తెలిసి నీ కోసం తీయని తలుపుల వెనుక నిలబడి ఎదురు చూస్తుంటాను !!

నువ్వున్న చోటుకి చేరుకోలేనని తెలిసి కూడా పిచ్చిగా పరుగులు తీస్తుంటాను 

నీకు నాకు మధ్య యుగాల వైరం కొలవలేనంత మౌనం వెలుగే లేనంత చీకటి 

దాటలేని లోయల మధ్య తెంచు కోలేని బంధాల మధ్య బందీనై ప్రతీ క్షణం ఆక్రోశిస్తుంటాను 

ఎక్కడో నువ్వున్నవనే వెర్రి ఆశతో  నా ఉనికిని గుండె గా మార్చి  సడి నీకు వినిపిస్తుంటాను 

నిన్ను చేరే ఘడియల కోసం నా ఉపిరి దారంతో కాలాన్ని కొలుస్తున్నాను

Touched by

DON'T ASK WHAT HAPPENED
HEAR IT FROM MY EYES
FEEL IT FROM MY HEART

నా ప్రియ నెచ్చెలీ

నీతో నేనుంటే అన్నీ రంగుల కలలే

నీ చిటికెన వేలూతతో నేను చూడలేని లోకాలన్నీ చుట్టేస్తాను 

నీ వెంట నడుస్తుంటే నాతొ నేను ఉన్నట్టే 

ఝరుల భావాల తుంపరలలో కలల తీరాల వెంట నీతో పరిగెడుతుంటే 

నాకు ఉచ్చ్వాస నిశ్వాసాలతో స్పృహే ఉండదేమిటో ??

జ్ఞాపకాల వీధుల్లో నాకు నచ్చే మజిలీకి నన్ను పొందికగా చేరుస్తావు 

నువ్వుంటే నా వెంట జలపాతాల జడివానలో తడిసిపోతుంటా 

నీ జంటే నాకుంటే మరువాల మరుమల్లెల పరిమళంలో మునిగిపోతుంటా 

నువ్వు నేను కలిసుంటే లోకంతో నాకు పని లేదు ఏది ఏమయిపోయిన నాకు అక్కరలేదు 

నా ప్రియ నెచ్చెలీ !!! పుస్తకమా !!!

నన్ను నా నుంచి వేరు చేసి తీసుకెళ్ల గలిగేది నీవే సుమా !!!