నువ్వేగా అంతటా నాకు

సెలయేరువై నీవు ప్రవహిస్తావు

చిరుగాలిలా నన్ను మురిపిస్తావు

చిరుజల్లువై మదిలో కురుస్తావు

జడివానలా నన్ను ముంచేస్తావు

తొలిమంచులో నీవుకనిపిస్తావు

పూదోటలో నువ్వు వికసిస్తావు

వెన్నలలా నీవు వెలుగిస్తావు

హరివిల్లు నీవై రంగులు విరబూయిస్తావు

కోవెలలో దీపంలా

పెరటిలో పూచేటీ మందార పువ్వమ్మలా నవ్వుతావు

మనసులో నీవు మాటలో నీవు

సంథ్యలో నీవు తొలి పొద్దులో నీవు

నా మౌనంలో నీవు నా రాగంలో నీవు

భావమా నా జీవమా

నా ప్రేమవే నీవు నా ప్రాణమే నీవు

మై లవ్

I felt like my heart is closed and the eye windows are for name sake
When you met me
I am cherished with your smiles
I am esteemed with your sights
I am flattered with your love
And the life bird started winging again.

మనసుల భావాలున్నా
కనులకు కలలున్నా
నిద్ర పోతున్న నేస్తం
చుట్టూరా చీకటి ఉన్నా
నా చిరునవ్వుల జ్యోతిని వెలిగిస్తాను.
మౌనంలో నువ్వు మునిగిపోతున్నావు
నేను నా మాటల తీరానికి చేరుస్తాను.
వస్తావా నాతో
తుమ్మెద రెక్కల విమానమెక్కి
పూవుల పుంతలు వెతుక్కుందాం.
తడి ఇసుకలో పాదాల ముద్రలేసుకుంటూ
గువ్వ రాళ్ళ జాతి వజ్రాలేరుకుందాం.
సెలయేరుల గమ్మత్తు గమకాల సరిగమలు నేర్చుకుందాం.
ఒక్కసారి మళ్ళీ పసితనాల వీధులలోకి వెళ్లి
అల్లరి చేష్టల అలల జ్ఞాపకాలు నెమరేసుకుందాం ...

ఆ తీరాన నువ్వున్నా

నా మమతల అనురాగాలుకట్టి మబ్బులతో కబురంపాను ..
నీవున్న చోట వర్షించాయా !
నా మురిపాల విన్నపాలన్నీ గువ్వమ్మలకి అందించాను ..
నీకు కువ కువల కబురులు అందించాయా !
నా పంటి బిగువుల చిట్టి పొట్టి అలుకలు సూర్యునితో వివరించాను ..
తొలి పొద్దు నులివెచ్చని కిరణాలు నీపై ప్రసరించాడా !
నా రహస్యాల విలాసాలన్నీ చిరుగాలిలో కలిపేశాను ..
హోరున నిన్ను కమ్ముకున్నాయా!
నా ఉడుకుమోతు తనాల కన్నీళ్ళని చినుకులలో వంపేసాను ..
జోరున నీపై వర్షించాయా !
నా నవ్వుల సౌరభాలన్నీ ప్రతి మొగ్గలోను పొట్లం కట్టి పంపించాను ..
నీవున్న చోట విచ్చుకుని వినిపించాయా !
రాసి పంపలేని వివరాలన్నీ తుషారాలలో నింపెసాను ..
ఆకులపై లేఖలు రాసి నీకు అందించాయా !
వేయి కన్నులతో నీకై ఎదురుచూస్తున్నానని చుక్కమ్మలకు చెప్పేసాను ..
నీకు మినుకు మినుకు దారులు చుపించాయా!
ఆ తీరాన నువ్వున్నా
ప్రతి నిమిషం నీకై తపిస్తున్నా !!

తొలకరి జల్లు

ఆకాశం నుండి రాలాయి మంచి ముత్యాలు ...
పుడమితల్లి మెడలో హారంగా ;
రైతన్నల గుండెల్లో పసిడి వరంగా,
రాబోయే మొలకలకు ఆహ్వానంగా,
ఎన్నో ముత్యాల సిరులు !
ఎటు చుసిన ఆనందమే
ఎటు చూసినా సంతోషమే
ఏదో తెలియని హాయి
ఇన్ని రత్నాలు ఒలికించి మురిపాలు కురిపించి
మరెన్నో బతుకులను పండించగలననే కామోసు !
ఆకాశానికి అంత బడాయి!!

ముసలి దాన్నా అదెలాగూ

తొలి కిరణాలు ఆర్తిగా నన్ను తడిమే వరకు ..

జోరున చందురుడు నాపై వెన్నెల వాన కురిపించేంతవరకు ..

గాలి కెరటాలు నాపై విసురుగా దుకేవరకు ..

నా కొప్పున మల్లెలు గుప్పున నవ్వేవరకు ..

నా వేలి కొసల ఆజ్ఞలు సాగేవరకు ..

నా కాలి మువ్వలు ఝల్లుమని మ్రోగేవరకు ..

నా నులి వెచ్చని కోపాలతనిలో పెను సెగలెగసే వరకు ..

నా గాజులతని చెవిలో రహస్యాలు చెప్పేవరకు ..

నా మాటల మురిపాలతన్ని అలరించేవరకు ..

అలసిన అతని మనసుకు నేనోదార్పయ్యేవరకు ..

నేను నెరజాణనే !

నా వసంతుని కొలిచే వన కన్యనే !

మరి , ముసలిదన్నయ్యనా అదెలాగూ !!

చిరు గాలి

సన్నటి గాలి తెమ్మెర మెల్లగా
నా మేనును తాకుతూ ...
నా చెవిలో ఏదో గుస గుసలాడుతోంది
సన్న జాజి తీగతో ఆటలాడుతూ,
దాన్ని మాటి మాటికీ కదిలిస్తూ ..
మొగ్గలను నవ్విస్తోంది .
అబ్బబ్బ ఎంత అల్లరో !
చిలిపి గాలి చిన్నగా నా చెంతకు చేరి
నా దారిని ఏమార్చేస్తోంది .
ఏవో తెలియని ఉహల్ని నాలో రేపి
నన్ను ఒంటరిగావదిలెళ్ళిపోయింది..