ఓ చినుకు రాలిపోయి ఓ చినుకు ఒలికిపోయి ఓ చినుకు కులికిపోయింది
ఒక చోట పడ్డ ప్రౌడ చినుకు విత్తనానికి అన్నమై మొలకెత్తి పోయింది
ఒకే చోట పడ్డ చినుకుల దండ కాగితప్పడవల కాలవై పోయింది
తల మీద పడ్డ చినుకుతొలకరై అమ్మ స్పర్శలా ఆశీర్వదించింది
తలపుల మీద పడ్డ చిలిపి చినుకు విరి బాణమై గుచ్చుకుంది
తనువెల్లా తడిపిన చినుకు మృదు భావనల కిరణమయిపోయింది
ఒక చోట లతలా వాళ్ళిద్దరి మధ్య అల్లుకుపోయింది
ఒక చోట వెతలా రైతన్నల కన్నుపొడిచిపోయింది
ఒక చోట వెల్లువై ముంచి పోయింది
ఒక చోట నింగి నేల మధ్య అంతరాన్ని కొలిచేద్దామని దారాల పోగులా...
ఒక చోట నింగి నుంచి మబ్బుల లేఖపయిన రాసిన ప్రేమ లేఖ ...
ఎవరికివ్వాలో మర్చిపోయి కరిగి నీరయిపోయినట్టుగా ...
మత్తుగా ఒలికిపోయి గమ్మత్తుగా తడిపి పోయి
చివరాఖరికి వెలిసిపోయింది
