గుట్టు విప్పి చెప్పలేని కొంటె భావాలనీ
కనికట్టు చేసే నీ వింత సందడులనీ
కనురెప్పల దుప్పటి కప్పి బజ్జో పెడతానా ??
అవి కల ల వాకిటి లో మెలిక ముగ్గుల మల్లె
తిక మక ల చక్కిలిగిలి పెట్టిస్తాయి
లేత చివురాకుల బుగ్గల్లో పొడిచి
మంకెన పూలయ్యి పోతాయి ..
పెదవి జారనీకుండా పంట నొక్కి పెడతానా ??
ఉప్పు జలపాతాలయ్యి కను జారిపోతాయి ..
జారినాయనుకొని నిట్టుర్పు విడిచేలోగా..
గుండె మీద ఇంకిపోయి గట్టి రాయికి మల్లె
బిర్ర బిగిసుకు పోతాయి..
ఎం చెయ్యాలో తెలీక దిగులయ్యి పోతానా ??
ఒక్క చూపు విసిరి హాయి కలిగిస్తావు
అబ్బో ... నా లోన నువ్వు సరిగమల ప్రియరాగాలు పలికిస్తావు ..
ఎన్నడాగెనో కదా నీ కనికట్టు మహిమ
